昆士柏流浪（QPR）最終護級失敗，來季降落英冠比賽，又一次做升降機，可能球迷都預咗佢哋救唔番，跟住般尼一齊降。被曼城大炒六球，有網民就話QPR有報應，皆因3年前煞科戰遭曼城阿古路絕殺，曼聯就慘失冠軍，所以今次同樣輸畀藍月亮，心涼嘅網民，或多或少係由一班魔迷化身而成。

講到QPR，網民指今季一直表現麻麻，頂多係查理柯士甸有過曇花一現，射手榜上爭吓頭位，而一班主將跌watt，成為佢哋降班原因。至於門將羅拔格連都算係黑仔，連埋今次，已經四度隨隊從英超降落英冠，以前效力諾域治同韋斯咸都有呢個慘痛經歷，睇嚟其他球隊想搵佢過檔，真係要諗諗！