武漢肺炎在全球各地蔓延，日本 疫情 更持續擴大，早前無綫資訊節目《東張西望》派出主持林希靈和攝製隊到日本直擊當地情況。林希靈和攝製隊勇闖多個重災區採訪，包括鑽石公主號、東京屋形船、東京大田區牧田綜合醫院蒲田分院、東京城南地區等地。

林希靈今日接受傳媒訪問時直言一家好擔心，她說：「其實我係上星期二（18/2）下午收到通知，嗰時咁啱做完個訪問，一睇電話收到通知，第一時間唔係緊張，反而係諗點執行李，因為第二朝（19/3）08機就要飛。整個行程係快閃3日2夜，早機去晚機返。反而屋企人知道就好緊張，即刻幫我撲消毒搓手液、便利雨衣等，因為之前睇新聞都知道日本疫情嚴重，我哋係會去好多確診醫院、地鐵、的士站，總之所有確診地方都要去，所以我都唔敢畀屋企人知，佢哋得到嘅資訊係最少。」她直言屋企一直有10個KF94的 口罩 不捨得用，最後都要「出場」，她笑說：「但原來公司一早預備咗N95，仲有保護衣，最強裝備都預備咗畀我哋。」

希靈坦言最震撼是在鑽石公主號對出，聽見 港人 求助聲音，她說：「當時我喺車上休息，突然見到船上有個男乘客舉晒白毛巾，好似舉白旗咁，我同同事即落車同佢揮手，然後聽到佢用廣東話嗌『救命』，嗰吓好難受，好傷心，成件事感覺好絕望。」

《果GYM》隨身播 　健身壹App過！