改編自同名小說、由大陸男星黃景瑜、許魏洲主演嘅BL網劇《上癮》，前年播出後引起熱議，黃景瑜及許魏洲更因劇帶挈人氣急升。不過因劇中CP名「海洛因」涉及毒品名稱，加上劇情講及同性戀兼有唔少大尺度性愛床戲等，《上癮》於播出12集後被大陸禁播並下架。

《上癮》唔止紅遍兩岸及東南亞，喺韓國播出時都獲得唔少迴響。日前網上就盛傳韓國將翻拍《上癮》，並由男團KNK嘅24歲成員朴承俊及韓劇《懷抱太陽的月亮》27歲男星李源根擔任男主角，分別飾演顧海及白洛因，引起劇迷熱烈討論，翻拍消息更衝上微博熱搜冠軍。雖然韓國方面未有落實消息，不過對於新版「海洛因CP」嘅選角，就有唔少劇迷直呼「好滿意」，不過亦有劇迷認為翻拍嘅《上癮》未必比舊版好睇。

更多韓流，喺晒《娛果》
http://fb.com/appledailyent