金像影后梅麗史翠普（MerylStreep）唱功好就人人都知，不過佢要於改編自真人真事嘅新片《FlorenceFosterJenkins》扮演五音不全嘅女高音FlorenceFosterJenkins。英國男星曉格蘭特（HughGrant）則扮演佢嘅經理人兼情人。

電影今日發佈首張劇照，着咗華麗服飾嘅梅姨依偎喺阿曉身上，二人正前往女主角表演場地CarnegieHall。當年喺1944年雖然女高音Florence歌藝不濟，但仍全院滿座，因為唔少觀眾抱着「食花生」嘅心態去睇騷。看來此片梅姨會有唔少搞笑嘅唱歌場面。