【預咗冇彎轉】收番6位數!孫慧雪出完追數post 好多公司即找數!
拖數孫慧雪拖糧
孫慧雪今日喺銅鑼灣出席護膚品牌發佈會,早前佢喺facebook呻陀B嘅時候接咗個廣告,點知拖咗9個月都未收到錢。
孫慧雪今日透露已經收番5位數字嘅酬勞,佢話:「出post前兩個禮拜,原來對方已經過咗數,但就冇話我聽,之前同呢間公司合作過幾次,對方都係拖咗成年先至俾。」
阿雪話出完鬧人post之後第二日,已經收到好多公司立即出糧俾佢,真係唔發嬲唔得。佢笑笑口話:「合共收到6位數字,好多人都話『好驚,係咪講我?』好多朋友都叫我開追數公司。」
佢話好多公司都唔係即刻有錢收,大家講個信字,問怕唔怕少咗人搵佢做嘢?佢話:「今日我都出呢個活動,其實我唔介意遲出,但我覺得陀住BB都出嚟做嘢好唔抵。(會再合作?)得出呢個post都預咗以後冇合作。」
提到佢喺ig上載講故事氹囝囝Riley瞓覺嘅片段,孫慧雪笑住話:「佢好似識聽,前日係4個月大,佢好多嘢都知,例如我整番熱啲奶,佢見到枝奶樽就大叫『奶奶』,試過兩、三次,佢真係咁叫。」見孫慧雪仲未修身,佢透露:「0依家餵人奶,未開始修身,想俾BB多啲營養。」會唔會趁未修身再追多個?佢話:「唔會,0依家已經肥咗20幾磅,如果生多個,就要減50磅,同埋湊仔好攰,好多嘢都要擔心。」
更多娛聞,喺晒《娛果》
http://fb.com/appledailyent
孫慧雪早前喺網上爆被拖酬勞,原來喺出post前人哋都過咗數。(攝影:陳慧安)