鄭先生只是打工仔一名，卻食正條水低買高賣，兩年間輕鬆在物業市場上穩袋157萬。
鄭先生03年8月，即香港遭逢沙士疫症打擊後，樓價開始復蘇時，以173萬元買入藍田滙景花園785方呎3房單位，首期52萬，花約20萬元裝修，供一家三口連女傭居住。
置業之後，便飽嘗供樓之苦，兩夫婦其實薪水不多，每月2萬幾，要死慳死抵才勉強夠供樓，甚少出街食飯睇戲，更從沒出埠旅遊。
辛辛苦苦供了兩年樓，其間樓價持續攀升，他的單位已有百多萬元的升幅，供樓罰息期又剛好過了，於是心思思想套利，在多方諮詢下，05年末以330萬元脫手，勁賺157萬元。

生活質素大大提升

鄭生已然成為百萬富翁後，一家只租住300餘呎蚊型單位。他表示，雖然居住質素下降，但其他生活方面，質素大大提升，包括多次去旅行，經常外出用膳，讓兒子在暑假參加遊學團，一家生活過得開開心心。對比昔日供樓日子，因入息少，經濟負擔重，心理壓力又大，現時輕鬆快活得多。
鄭先生手頭資金充裕，閒時亦投資股票，繼續錢搵錢，惟獨不染指樓市。他認為目前樓價不穩定，風險高，寧願等待下一浪樓價大跌，才再次執筍貨，並會考慮買新樓，認為保值能力高。