排第三練馬師呂健威目前落後榜首姚本輝四Win，今晚（15日）要在谷中食出大四喜，兼且要姚廐交白卷才可反先封王，任務確實較艱巨。

然而呂健威一向鬥志咁好，肯定會搏到一兵一卒，今期共派七匹馬上陣，其中四駒就交由新鮮出爐的本年度馬季冠軍騎師潘頓執韁，騎練近七匹谷草合作馬贏晒。

6月24日當晚更拍住上狂數四Win，第七場「精算齊同」、第八場「輝煌星」、第九場「勝利風範」和「勝利威龍」今次悉數有份列陣，前三駒續由潘頓披甲求添食。

而第六場「高明駿將」在田草搏極贏唔到，同父馬「金鼓齊鳴」是谷草1200米好手，打王牌轉場用意好，初配潘頓可一網打盡。