王朝酒業（828）就嚟跌到08海嘯價，睇位兜轉。王朝2011年度純利跌咗九成過外，家陣PE300幾倍，老老實實，唔吸引。但要咁睇，王朝上年度對銷售渠道及分銷模式進行改革，影響到部份分銷商採購減少，加埋集團唔再偏重低檔次產品，收入及業績受到影響。改革無錯帶嚟陣痛，但長線少少，王朝藉住改革可以鞏固到地區地位及加快地區增長。再講，集團品牌本身唔弱，祖國奢侈品消費力，又唔係嘢少，只要新一輪潛力釋放，王朝有排肥仔水。BeforeThat，王朝跌到現水位，開始貼近08年金融海嘯價，PB已經一倍樓下，手頭又有4億淨現金，支持集團度過風雨期。王朝一跌穿1蚊兜轉，博三成升幅，未有耐上到NAV1.6元。