6月初起，內地微信瘋傳一張不知由何位高人手寫的《牛市炒股真經》，只有短短37隻字，但字字珠璣，近期測市奇準，包括昨日V彈在內，幾乎次次靈驗。全文如下：
「早上大跌要買，早上大漲要賣！下午大漲不追，下午大跌次日買！早上大跌不割，不漲不跌睡覺！」其實呢份《真經》講咗一個簡單道理：A股下午市況，通常會和上午相反，如果上午見跌買升，或者見升買跌，贏面就會大增，點解會咁？
有分析話，由於不受歐美股市影響，A股極少有裂口高開或低開。散戶同基金都同一時間，由朝早開始消化當日消息。通常散戶見消息即刻擒青做嘢；基金就開會研究，見到散戶動作，下晝或次日才作相反部署。例如之前減息降準，多數係上晝大升，下晝大跌收場，真係信不信由你。

黃尹華