當年今日
關於我們

【麥格夫隨筆】Big 4大執位!有位老牌廐主驚喜十足

蘋果日報 2018/03/09 23:59

韋達呂健威麥格夫隨筆輝煌星

今季練馬師龍虎榜果真風起雲湧,一直以來俗稱Big4嘅蔡約翰、大摩、告東尼、方嘉柏,只有蔡約翰同以往一樣居榜首位置,打後二至六位全部華倉,果真地球係圓,任何事情皆有可能發生,最令人意外應該係交出27Win排第四嘅老牌廐主呂健威。
呂健威作風向來低調,近季經常見報全因收蔣嘉琦為徒之故,平日鮮會成為馬迷焦點,但現時27Win在手反映馬房季內手風極順,日前「肥仔」食回頭草一出即勝便屬最佳例証。
今次(11日)呂廐有多匹邊線冷馬值得博,頭場五班1400米的「開心美麗」上仗大半程走外疊照贏,賽績非常有說服力,今次只多加五磅影響不大,有權連捷。
第八場三班1200米草地賽,呂健威的「輝煌星」前仗初出1200米同程後上第四有勢,上場加程1400米卻改跑法擺前走,恰好終點前200米力弱,好明顯1200米係目前至強路程,打王牌且難得抽好檔,昔日13屆冠軍韋達不會錯失贏馬良機。
empty
呂健威