當年今日

  王永平約見公僕碰釘 - 李八方

蘋果日報 2002/08/13 00:00


公務員事務局局長王永平呢排忙住同工會見面,搞好關係,點知碰釘嘅情況真係唔少。準備同政府打官司嘅公務員總工會主席張國標就話,王局長原來喺上周五約咗佢哋工會見面,但遭工會拒絕。因為工會覺得,減薪都成事實,重有乜好傾。
張國標又話,公務員總工會唔屬於港府正式嘅諮詢架構(即係評議會),「冇乜名份」,又話王局長成日都係「有事鍾無豔,無事夏迎春」,要求王局長首先建立一個各大工會都平等嘅溝通機制。



傳真︰2623-9278
電郵︰[email protected]