現年24歲嘅韓國男星朴寶劍，自去年10月拍攝劇集《雲畫的月光》後都未有新作，甚至因為所屬嘅教會疑係邪教而捲入爭議，不過朴寶劍就未有收埋唔公開露面，佢早前更擔任《MAMA音樂頒獎禮》日本站嘅主持人。

而「2018冬季奧運會」將於明年2月9號喺韓國平昌舉行，聖火亦於下月傳到韓國首爾。早前「國民MC」劉在錫、「國民初戀」秀智、《超人回來了》國腳李同國等人就有份參與傳遞聖火，今日就有報道指朴寶劍將於下月參加傳聖火活動，而朴寶劍方面目前正調整行程。

另外，朴寶劍夥拍金裕貞主演嘅《雲畫的月光》正喺日本熱播，連帶朴寶劍喺當地都人氣急升，日本雜誌「韓流旋風」噚日更喺Twitter表示朴寶劍擔任雜誌1月號嘅封面人物。

更多韓流，喺晒《娛果》
http://fb.com/appledailyent