由韓國男星玄彬孖朴信惠主演嘅tvN新劇《阿爾罕布拉宮的回憶》，原定於11月首播，不過今日劇組公開嘅三段預告片中，就終於揭示咗劇集嘅神秘面紗，同時亦宣佈咗劇集將於12月首播。

今日劇組首度公開預告片，當中分別有三個版本，有玄彬同朴信惠各自回眸望實鏡頭嘅版本，仲有一個二人初次見面嘅版本，兩人喺充滿異國情調嘅西班牙街頭凝視着前方，玄彬回眸一看，似乎預示之後會發生奇妙嘅事情，而兩人相遇嘅場面仲拍得好浪漫，唔知兩人喺劇中又會有幾多浪漫場面呢？

另外，《阿爾罕布拉宮的回憶》原定於11月開播，撞正玄彬舊愛宋慧喬同朴寶劍主演嘅《男朋友》同月首播，不過現時《阿爾罕布拉宮的回憶》定檔12月才開播，唔知係唔係唔想同喬妹新劇比較呢？

相關預告片連結： https://bit.ly/2I47TQw

精選韓流，喺晒《娛果》
http://fb.com/appledailyent