當年今日
關於我們

【《紅海行動》代表香港?】黃百鳴睇報道至知:我冇投票,唔俾任何意見

蘋果日報 2018/09/27 21:00

黃百鳴奧斯卡古宅紅海行動香港電影製片發行協會

黃百鳴、朱茵、張繼聰、張彥博等今日喺銅鑼灣出席電影《古宅》首映禮,《紅海行動》日前獲選代表香港角逐參加角逐奧斯卡「最佳外語片」,記者問到黃百鳴點睇《紅海行動》出戰,佢竟然唔知情:「我都係睇報紙先知,我真係唔知,完全唔知,我冇份投票。不過都係好事,香港有套代表作參加。」
《紅海行動》由林超賢執導、英皇有份投資,而演員就係大陸人,內容講嘅係解放軍海軍陸戰隊,好多人都搲頭,點解會代表到香港?黃百鳴聽完記者解釋:「喔……咁見仁見智啦,因為我冇投票,我唔俾任何意見。」佢又澄清自己係香港電影製片發行協會理事長,冇權提名電影參加奧斯卡。
見話題扯遠咗,黃百鳴主動將話題拉近啲,佢先係提到佢嘅電影《L風暴》喺大陸票房過咗4億,成績好好已經計劃拍下集,仲已經屬意古天樂繼續演。
至於今日《古宅》首映,電影屬恐怖片/鬼片,黃百鳴就話電影可以喺大陸播,唔觸及大陸禁止怪力亂神呢條界線,仲唔覺意自己穿橋:「唔係真係有鬼,講母子情好感動,朱茵由後生演到老,香港同大陸版本一樣。」
噢!
精選娛聞,喺晒《娛果》
http://fb.com/appledailyent
empty
攝影:陳慧安
empty
黃百鳴都係睇報道想知《紅海行動》代表香港角逐提名奧斯卡。
empty
《古宅》今日首映,黃百鳴話大陸都有得睇,唔覺意仲自己穿橋。