早一陣子Facebook瘋傳一張搞笑圖片，考試前阿媽十足哥斯拉一樣兇猛，考試後變回笑容可親的泡泡龍。適逢6月考試季節，家長在Facebook上分享如何幫助子女溫習外，在公司或街上炸兩妹都聽到有家長大呻子女考試儼如「陪太子讀書」，孩子與大人都多了個黑眼圈，確是見者心酸。

同事A在埋怨：「唉！佢考試仲慘過我考會考嗰時！」、「阿仔唔願溫書，叫佢溫書仲慘過叫佢吊頸！」

又聽到公屋街坊甲向兒子大聲喝罵：「你仲唔做好呢份功課，你就唔好做我個仔！ 你出去訓街啦！」、「你讀唔好啲書，第時做乞兒，唔好認我做阿媽！」

家長想傳遞甚麼訊息予自己下一代？以上兩番說話中內容都非常負面！「你讀唔好啲書，第時做乞兒！」這根本是在詛咒自己的子女！

與其埋怨孩子懶惰不用功，何不以正面鼓勵的說話，幫助孩子建立自信心、以積極態度去面對學習上的困難。其實孩子聽著爸媽如何數落自己的時候，句句入心入肺，他們會以為「原來爸媽對自己的關愛，只是因為自己的成績表現，而不是他 / 她這個人，是一個有條件的交換！」家長們可能一時之氣又或者情緒激動衝口而出，但要知這些說話就如一刀一刀的刺入孩子脆弱的心靈，這些無形的「傷口」會伴隨著孩子成長。

若不想子女長大後，只留下爸媽對自己又打又鬧的印象，鼓勵家長們就從今天起立志，好好控制自己情緒，避免帶有殺傷力的言語衝口而出成為傷害孩子心靈的利刃，讓孩子們都擁有一個充滿正能量的童年回憶吧！

專欄作者簡介：
蛋散哥與炸兩妹
2003沙士那一年，多口又多事的兩兄妹投身NGO做兒童社福工作，見盡政府、業界以至這一代新手家長令人廢解的怪獸怪誕怪談事。

發掘更多身邊的小城故事，請 LIKE 蘋地 Facebook Page，並設定為「搶先看」： https://www.fb.com/appledailyland