港協暨奧委會會長霍震霆與新抱郭晶晶今天一起在銅鑼灣出席東華三院慈善保齡球賽，同場還有奧運體操冠軍李小鵬、藝人唐麗球、Amanda S.與李日朗（Don）等出席支持。

郭晶晶今年1月誕下三女後首次公開現身，見她已收身不少，晶晶透露沒有特別收身，距離目標還差數磅，她說：「係因為餵母乳，瘦落嚟。」她又指第3胎是計劃之內，並透露細女英文名是Laurina，而懷孕其間跟生產時也不辛苦，至於要湊三個，晶晶說：「唔會辛苦，第3個，已經有經驗，哥哥（長子霍中曦）已經大，可以自己照顧自己。」至於是否封肚？她說：「應該夠喇，3個都幾好，屋企好多聲音、好熱鬧。」

晶晶又提到5歲幾的大仔很錫兩位妹妹，她說：「哥哥想幫手湊，但係唔識湊，會叫佢輕力啲。」問到老公霍啟剛是否最錫囡囡？晶晶笑說：「唔會，佢個個都錫。」談到父親節，晶晶透露會跟老爺霍震霆及丈夫食飯慶祝，小朋友已準備畫作心意卡作禮物，問到老爺是否最開心？她說：「係呀，佢一有時間就過嚟同啲孫玩，一次買3份禮物。」

另外，Don透露有腳傷，已很久沒有打保齡，他指去年11月左腳痛風發作，未能行走，現時要長期服藥，他說：「要keep住食藥，食少日都行唔到，痛風係冇得醫，醫生畀咗4個月藥嘅療程我，亦有好多朋友畀偏方，其中一個係可以試吓生百合煲瘦肉，病患者就會知道真係對排毒好有用，有朋友喺日本、泰國同德國買藥畀我試，而家我有個痛風group，會同大家分享。」他又爆腳痛時會典床典蓆，不想女友看他痛苦的樣子。

-----------------------------
6月14日至22日 《GAME迷鬥一餐》
玩《小小金魚跳躍王》即有機會贏取 OUTBACK $100現金券
http://bit.ly/2HW1FUH
-----------------------------
【新聞有價】繼續撐蘋果
請往蘋果日報網站了解更多