雷神莫雷拉自日本回歸香港後，聲勢雖不及過去幾季，但連同客串日及上任蔡約翰主帥短短日子，目前已有13場頭馬，成績算有交代啦！

元旦日(星期二)沙田日賽，雷神除了一貫為波士蔡約翰效力，策多匹牌面分子如「智力寶」、「鄉村瑰寶」、「以奇用兵」、「四通八達」及「夏威夷」等爭勝外，全日他唯一一匹外線座騎，第二場五班1600米蘇保羅馬房的「奔馳寶馬」，表面上五班馬唔多起眼，但其實卻相當穩陣，有坐位望贏的實力。

眾所皆知蘇保羅正努力求達標，目前僅得4Win包尾，尚欠12場才及格，難得借到雷神幫拖，唔搏盡就奇咯！事實上今季蘇保羅曾兩次借用雷神，獲1冠1季成績，正是鬥志的最佳證明。

而睇番「奔馳寶馬」本身，今季只跑過兩仗俱所負不遠，體重的1200磅大馬，熱身足夠後狀態料有進冇退，今次改配雷神及回跑田草1600米，原來大有根據，事關雷神曾騎過「奔馳寶馬」一次，便是於此路程報捷，元旦日久別重逢，大有機會延續人馬合作不敗的數據。