當年今日
關於我們

  兔羊議員旺 民主黨最多 - 李八方

蘋果日報 2002/02/17 00:00


上次八方同大家講過,立法會有邊幾個議員馬年犯太歲,但正所謂有人歡喜有人愁,原來馬年暢旺的議員更多,單就屬兔同屬羊這兩個最旺的生肖,就已經有十五個。
要數行運議員(見表),原來以民主黨最鼎盛,獨佔五位,分別有華叔、陳偉業、李華明、何俊仁和涂謹申。民建聯同工聯會都唔弱,夾埋都有四個,全部都係一九五一年出生的「兔人」,包括葉國謙、楊耀忠、梁富華同黃容根。
其他六個獨立議員就有李國寶、何鍾泰、黃宏發、胡經昌、劉炳章同麥國風。
講完立法會就唔爭在講埋行政會議,不過比起立會好似遜色咗啲,只有一個鍾瑞明屬兔(一九五一年),為行會帶來一點旺氣,其餘都係麻麻,梁振英(一九五四年出生)同李業廣(一九三六年出生)更加分別屬馬同屬鼠,馬年犯晒太歲。唔知七月改組行會後,風水會唔會改善一啲呢?


E-mail:[email protected]