劉嘉玲最近同梁家輝拍新戲，要留喺北京同霧霾搏鬥，日前佢要自備防毒鼻罩入重災區。今日佢再接受挑戰，喺微博貼咗短片，用鹽、醋、豉油等調味料，自製加料飲品，跟住仲喺鏡頭面前搞勻，然後飲咗一大啖。

劉嘉玲飲加料飲品，其實都係用心良苦，佢喺微博留言話希望大家關注大陸3億人的飲水安全！呼籲大家接受挑戰募捐。

平時嘆慣紅酒嘅嘉玲，飲完呢杯加料飲品，個樣都真係有啲面有難色，不過做善事，冇計啦！