鄧紫棋（G.E.M.）近排頭頭碰着黑，日前突然宣佈與合作11年的「蜂鳥音樂有限公司」即時終止獨家經理人合約，稱對方嚴重違約及做出不法行為，令雙方的信任徹底破裂。（相關新聞﹕ https://bit.ly/2C7qhWT ）

昨晚在澳門威尼斯人舉行演唱會，又因器材出現技術故障，令升降台未能運作，被迫延遲了近兩小時才正式開騷，連累鄧媽媽的朋友一心到澳門捧場，還未聽到第三首歌就已經急急離開趕坐船回港。

G.E.M.在等候搶修期間於社交平台開直播致歉，又自彈自唱安撫樂迷，她說：「我喺後台好似開咗個talk show咁，但講咗一個鐘都未上台，真係擔心場內觀眾嘅心情。」

終於等到開騷，G.E.M.上台一口氣唱了三首歌後，再一次向觀眾道歉：「真係好抱歉要你哋坐咗兩個鐘，知道好多朋友要趕船，我媽咪有朋友因為趕船，仲未聽到三首歌就要走，其實我上台前都好緊張，好抱歉！我諗如果今日坐喺觀眾席嘅係自己，我都會好嬲，但大家依然咁冷靜，仲有歡呼聲，真係好感謝大家。」

G.E.M.在唱《存在》時忍不住落淚，encore唱出《安靜》時，南韓男團GOT7的王嘉爾（Jackson）驚喜出現，手拖手合唱，再互捉對方的手與觀眾凌空勾手指尾，要歌迷承諾繼續支持他們，Jackson笑說：「家姐開騷，細佬梗要撐場。」G.E.M.笑說：「Jackson啲廣東話好騎呢，一開始佢唔係叫我家姐，係叫我阿姐，初時以為佢係講笑，點不知佢每次見到我都係叫阿姐，我終於忍唔住同佢講『唔好再叫我阿姐，叫到老晒』，後來我至知原來佢以為阿姐就係家姐嘅意思，我就決心要教佢中文，從嗰日開始佢就叫我家姐啦！」G.E.M.表示感激Jackson非常爽快一口答應擔任嘉賓，雙方認識好幾年，讚他是很有才華的音樂人，大家還合作寫歌。

最終演唱會在凌晨12時45分結束，G.E.M.亦鬆一口氣：「人生真係未試過做演唱會延遲兩小時，一直好緊張，一開始只係delay 15至30分鐘，仲以為係觀眾入場慢，但到8點9仲未開始就覺得有景轟，然後發現原來係技術故障。我覺得有需要開Live，大家等得無聊時可以解悶。」

《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw

全港打工仔特約：Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2IZA8Ef