【見步行步】柳俊江遇襲傷癒復工 未決定會否追究
元朗恐襲柳俊江
柳俊江今日出席公開活動時,被提到在7.21元朗恐怖襲擊當晚,因義載被白衣人襲擊受傷,他表示現時已經痊癒,不過談及他接受商台訪問時,直言沒信心到公立醫院求醫和報警,因擔心自己由受害者變被告,問到是否不打算追究?柳俊江說:「目前冇乜深入嘅打算,坦白講,而家大家都係見步行步,如果有個公平、公正、公開嘅處理渠道的話,咁就睇吓會唔會做,但係而家冇吖嘛!」
對於有人不排除控告警隊「一哥」討回公道,柳俊江說:「有議員搵過我,如果一般市民,我覺得要透過法律嘅途徑去爭取自己合理嘅權益,呢個先係法治,但作為一個公眾人物,喺而家嘅政治咁複雜嘅時候,好多人就會話『同邊個議員夾埋嘅』,我又唔想,咁咪唯有唔好做任何法律行動住。如果市民需要協助,應該尋求可信嘅協助,點為之可信呢,就係同屋企人去商量,可能喺屋企入面都有唔同嘅政見,唔好因為政治而犧牲咗家庭。」
柳俊江透露現時的市場較為淡靜,所以其製作公司一些廣告工作需要延期或暫停:「我哋仲發展緊網購嘅平台,亦會因為社會嘅事情同我嘅事情,就要押後咗少少,希望可以喺10月出到街。」
-----------------------------
【撐學生】
召集有心人 撐學生全年睇《蘋果》
立即按此 -----------------------------
《囚牢之疆》 專頁
揭開集中營邪惡面紗
今日新疆 明日香港