韓國男團Highlight嘅29歲成員尹斗俊因為唔能夠順利以義務員警服兵役，今日會以現役陸軍身份服役，並以非公開形式入伍。

而與隊友感情要好嘅尹斗俊亦趁入伍前爭取時間見隊友，已剪咗平頭裝嘅尹斗俊今日就喺Instagram公開與隊友嘅合照，留言：「謝謝朋友們，收到你哋嘅心意了。」而隊友孫東雲因為身在日本，所以就透過視像同隊友道別及合照。

其他成員都上載照片，並留言同尹斗俊告別，當中李起光就留言：「從高中時期開始就作為隊長，一直以來都好辛苦，現在放下擔子作為軍人好好過，唔好受傷好好吃飯，要健健康康再次見面，我愛你尹斗俊。」龍俊亨亦有留言:「果然同我哋一齊就開心，好快就會再見面，愛你。」

另外，尹斗俊趁入伍前就特別做直播，親自同粉絲告別，同時佢自爆隊友、屋企人及同事都有嚟送佢入伍，又叫大家要注意颱風，又自爆三日冇瞓覺，因為有太多事冇解釋就入伍，所以覺得好抱歉。

精選韓流，喺晒《娛果》
http://fb.com/appledailyent