《有樓萬事足》入面嘅「高潮女」Seasun近日是非多多，有傳佢曾經入住趙苑同趙世曾同居，但日前佢否認話：「嗰時工作我要接待嘉賓，又唔係同佢一齊住。」(相關新聞： http://bit.ly/2lkR9fa )Seasun今日幫雜誌影泳衣相，接受訪問時再次「打倒昨日的我」，自爆住過趙苑，仲喺入面瞓覺咁話喎。

Seasun被問到係咪曾經同趙世曾同居？Seasun反問記者：「佢有好多地方㗎喎，你哋有冇去過呀？有機會帶你去吖！」咁佢同趙世曾係咩關係？佢話：「佢(趙世曾)都唔記得我咯，但係我想佢記得。」仲叫記者幫幫手。

咁Seasun喺趙苑有咩做？佢話：「瞓覺，休息囉。（日日都瞓？）都冇乜幾多個鐘頭瞓，要工作。（咁有咩做？）唔記得喇，佢都唔記得我，我都唔記得喇。」

咁多嘢唔記得，咁點睇網民負評呢？Seasun話：「嗰啲都唔係負評，我好積極，我當呢啲係正評。全靠大家畀能量我，否則我嘅工作就會變成一潭死水，係你哋嘅投石，喺我心入面泛起一波又一波嘅蓮漪，又掀起一波又一波嘅高潮。今日影呢輯相令我內心都充滿高潮。」