「我買嗰陣知道部電視機係陳列品，所以咁平，但冇諗過原來唔單止係陳列品咁簡單，部機賣之前原來重維修過，咁佢哋同賣二手機畀我有乜分別喎！」李小姐不滿地道。
她說，於今年２月初，她與家人行經飛利浦位於尖沙嘴海洋中心的陳列室時，見一台陳列品電視機，只售2580元，保養期半年，她買下後，僅用了四個多月便突然自動熄機，其後更不能再開，完全沒有畫面。
電視機損壞後，她曾找相熟朋友檢查，對方稱電視機原來曾經維修過，令她大嚇一跳。

「間中用嚟試吓機」
「部機整過就係二手機啦！二手機同陳列品嘅意思相差好遠，我買機嗰陣，個職員都冇講話部機修理過，只係話平時只係擺喺度，間中用嚟試吓機，所以咁嘅價錢買真係好抵。」
她曾向飛利浦公司投訴，但職員只覆稱，會延長保養期半年，不允更換其他型號電視機。
飛利浦電子香港有限公司市場傳訊經理陳碧珊函覆本報查詢稱，飛利浦一直提供完善售後服務，所以客人所提出意見和要求，飛利浦公司都會作出妥善安排，務求令顧客滿意。