六四事件期間,曾代表學聯前往北京支援學運的陳清華負責見證。中共殘暴政權如何血洗天安門,對他依舊歷歷在目。他指,當年中國學生與近年的港人一樣,曾誤以為感受到中共雖一黨專政,但仍然容得下改變空間,「10萬人、100萬人示威都冇鎮壓,當時幼稚到覺得以為中共真係改變緊」。他又指,當時北京軍隊受學生流淚而感動,「唔似我哋香港警察咁『專業』,乜情況都打落去」。直至解放軍入城、學生滿口鮮血不能說話,赤裸裸的鎮壓,令他更憤怒的是極權的謊話,「原來政府同學生對話前,已經一早命令咗軍隊入城」。
當年鎮壓人民的坦克車,換成今天香港的國安法和送中條例。陳指,香港人現況與當年六四十分相似,「香港面對嘅就係呢個冷血極權,種種大話,我哋更加要記住呢件事」。他認為港人因送中條例,終於撕開中共政權真面目,加上國安法殺到,「呢個係比六四更長嘅苦難,唔知幾時會完嘅苦難」,但他仍寄語港人堅守理念的燭光,「縱使唔知幾時先有光明,都要守住自己心中嘅光明」。
■記者盧珮瑤