黃智雯入行13年，一劇接一劇，最近黃金時段雙線劇都是女主角，真是不怕觀眾睇到厭，繼續力谷。智雯日前接受商台《1圈圈 星光背後》訪問，談及當年演藝畢業後，參選2007年港姐入行，她坦言當年獲母親鼓勵，視選港姐作為入行做演員的踏腳石，但從來無想過爭三甲，起初對選美也極為反感。她說：「未入行最初對選港姐係反感嘅，首先冇諗過自己同選美有關，其次唔明白點解要着泳衣喺台上答問題。但媽咪知道我喜歡演戲，認為呢個係一個途徑。」

黃智雯在圈中贏得不少友誼，她是胡說八道會成員之一。節目中，她坦言羨慕好友胡杏兒有圓滿家庭，她說：「當然羨慕！杏兒有好老公，又有兩個仔咁得意。」至於跟圈外珠寶集團高層男友Anthony相戀8年，少有談及戀情的她說：「始終另一半係圈外人，想保護對方，所以盡量都少提，唔想影響對方工作。」不過，她亦罕有於節目中分享最欣賞男友的誠信，她說：「真係誠信，大家畀到大家信心，有啲講就容易，但係雙方畀大家嘅默契，令我有一種好大嘅安全感，好難得。」有指黃智雯已進駐男友位於東半山價值兩千萬的豪宅，被追問婚期，她說：「有計劃，同一個人咁耐，年份咁長，都好想一齊走到最後，唔係唔會用咁長時間去維繫一段感情，所以有計劃會去傾。大家都視彼此為終身伴侶，都會有打算嘅（結婚），我由細到大幾重家庭觀念，小朋友就睇緣份，但想有完整家庭。」她表示媽媽和姊妹們都沒有擔心，會否閃婚？她說：「唔算啦，拍咗咁耐拖，但唔知呢，隨時啦！」

工作方面，智雯直言入行後頗幸運，第四年已憑《缺宅男女》關二嫂摘下「飛躍進步女藝員獎」，對於有些人遲入行比她更快上位，她說：「有啲人覺得我行得比人慢，但呢個就係自己嘅節奏，我專注做自己，亦唔會同人比較。」至於2018年以《三個女人一個因》一劇先後摘下新加坡及大馬視后之後，最終在台慶頒獎禮大熱輸給後輩李佳芯，她說：「事前當然想三連貫，好似好型嘛！最終唔係自己都沒所謂，只係當晚太多朋友支持，包括粉絲們，我係怕令大家失望。」