要成為出色的騎師或練馬師，除咗騎馬或練馬要叻之外，仲要有強勁記憶力。

記得幾季前有一次「旌暉」贏馬，賽後訪問姚本輝時，佢竟然唔使睇馬簿，就講得晒「旌暉」在港跑過幾多場同各項路程出賽次數。

輝哥猶如一本人肉字典，對轄下賽駒瞭如指掌，可謂成功非僥倖。

騎師記性同樣要強，因為應承好練馬師於晨操同試閘操馬，就一定要準時現身，遲到甩底自然給人留下壞印象，影響自己日後發展。

潘頓縱橫香港馬圈十幾年，其中一個優點就係言出必行，一旦作出承諾就唔會反口，不過人類唔係機器，始終都有錯誤嘅時候。

谷草周三（23日）第三場四班1200米，容天鵬麾下新馬「觀世界」服役初出，本身於10月16日首次試閘時已配潘頓。

當時「觀世界」被編於沙田馬場最後一組試閘，點知潘頓試完頭兩組後，可能一時大頭蝦，已經離開馬場，忘記要試埋「觀世界」先可以收工。

容天鵬同馬房人員於馬場機坪等極都唔見潘頓，於是急急腳走去場內其他地方搵，終於喺騎師宿舍門口截到主人翁，潘頓拿拿臨跑過去機坪上馬試閘。

結果「觀世界」呢課試閘，全程居後跑包尾，依然成功取得及格。

撰文：林湛穎

-----------------------------

時勢艱難，有問題即管開聲！

經濟環境陰晴不定，周轉困難亦是常事，邦民日本財務讓你安坐家中，貸款一樣可以輕輕鬆鬆到手，網上貸款即時初步批核⦿，星期日都照批★，用轉數快還可以即批即過數^，全新客戶成功貸款可享迎新現金獎高達HK$3,500▲，所以說，解決方法總比問題多！

立即申請 : https://bit.ly/32cqDIW

推廣期由2020年12月1日至2021年1月31日(包括首尾兩天)

須受條款及細則約束，詳情留意邦民日本財務(香港)網頁。

忠告：借錢梗要還，咪俾錢中介

放債人牌照號碼：1328/2020

查詢及投訴熱線：3199 1199