當年今日
關於我們
求驗客手記:又停電又放「毒氣」巴西波無所不用其極 - 求驗客
蘋果日報 2008/04/22 00:00
巴西國內聯賽一向好騎呢,好似周日聖保羅州聯賽4強次回合,聖保羅作客0:2負彭美拉斯場波(兩回合負2:3),客軍就先後收到停電、不明氣體同停水騷擾。呢場波先出現15分鐘停電,中場客隊入到更衣室,即刻好似走難咁跑晒出來,原來聞到刺眼刺鼻嘅神秘氣體,好多人仲喪嘔當場;結果半場休息要喺場邊度過。到咗完場之後,聖保羅球員諗住冲番個凉走人之際,一擰水掣竟然冇水出,最後周身臭汗離開球場,真係慘啦!