當年今日
關於我們

香港YouTuber︱講錢真感情 Coffee靠拍片每月袋十萬

蘋果日報 2020/12/06 02:23

YouTuber林芊妤譚杏藍阿鼻貓HebePolly

人人都用手機睇片,根據非正式統計,香港年輕人中,十個有五個都是YouTuber,人人都拍片,到底有幾多真的靠拍片搵到食?
只要在搜尋器輸入「YouTuber」及「工作」兩個關鍵字,不難找到對YouTuber的行業說明,工作時間自由、廣闊創作空間、把興趣變成工作,都是最吸睛的賣點。然而,世界是實際的,尤其是在物質主導的香港,交租、食飯、搭車都是錢。因此普遍對薪金的要求,至少要維持基本生活開支吧,那麼YouTuber又是如何賺取報酬?
根據YouTube官方解說,只要頻道擁有1000訂閱人數、過去12個月內有效公開影片觀看時數達4000個小時,便可以加入YouTube合作夥伴計劃,通過審查後便可以開始在YouTube平台上賺取廣告費。YouTuber可以從廉告收益、月費形式登記的頻道會員、售賣不同品牌的產品、直播中觀賞者在SuperChat中課金及從YouTube Premium訂戶收取的收益。
《蘋果》邀得幾位現職YouTuber,分別有YouTuber新鮮人、拍片未足一年的阿鼻貓、旅遊達人Polly、介紹電影場景而人氣急升的Hebe、擁有百多萬訂閱的林芊妤,還有元祖級YouTuber、拍片年資長達14年的譚杏藍小花,片中他們將親自解答那些令人好奇的「關於錢的事」。
Coffee開設YouTube頻道近五年,現時每月單靠頻道獲得高達八至十萬收入,絕對是YouTuber界的成功例子。不過,她直言不會視YouTube為主要收入來源:「大家唔好諗住做YouTuber好容易,因為一開頭個收入係講緊幾百、幾千,維持兩、三年時間先跳到去五位數。」現時雖然已擁有逾百萬訂閱,Coffee更聘請助手協助剪片、上字幕,她笑謂:「以前成本就係我部相機,而家請咗個助手,大約兩、三萬左右。」她又指不希望在片中,加入太多植入式廣告:「始終都係做運動片,而且我主要係想分享,呢個收入我當係bonus。」Coffee更大方分享做YouTuber的心得,認為只要付出真心,便可以感染大眾欣賞自己的頻道。
年資最長的小花,頻道影片大玩綜藝式、大包圍主題,她說:「我可以話畀大家聽,係YouTube搵到嘅錢只係四位數字,嗰舊錢我成日都係積住喺度,或者捐咗佢。」小花坦言單靠YouTube的收入,絕對不夠維持生活:「相機、燈、收音,樣樣都係錢嚟架,workload仲好高。」她寄語有意加入YouTuber行列的人,要有好好的時間管理、有腦力,同時亦要很努力,加上能從容面對haters的EQ,是入行的四大基本元素。
提到時間,Hebe認同拍YouTube最大的成本是時間,單是做資訊搜集已經花費幾日光陰:「幾分鐘嘅片,都要做好多功課同考證,所以最大嘅成本一定係時間,原本你可以拎呢啲時間去賺錢喎。」他在片中更直言:「嘩,靠佢嚟搵食嘅話就死得㗎啦!」
專帶大家行山的阿鼻貓主理人大鼻,經營頻道約五、六個月開始有收入,雖然他未有透露實質數字,但大鼻說:「啱啱好夠我交自己嗰份租,不過我而家唔會考慮埋做直播。有時行幾個鐘,一來怕大家悶,二來我要兼顧好多嘢,直播唔係大家諗得咁爽。」至於旅遊達人Polly,單是拍片的成本已有六位數字,但每月收入卻不能保證:「好難講,真的很難說。」
empty
小花屬元袓級YouTuber,頻道主題包羅萬有。(IG圖片)
empty
林芊妤表示拍YouTube只為分享,所有收入會視作bonus。(IG圖片)
empty
阿鼻貓透露拍片數月已開始有收入。(IG圖片)
empty
Hebe直言拍YouTube最大成本是時間。(IG圖片)
empty
Polly已擁有14多萬訂閱,但亦不會視拍片為主要收入來源。(IG圖片)
-----------------------------
《蘋果》英文版免費試睇:了解更多
英文版已登錄《蘋果》App,立即下載/ 更新iOS / Android
-----------------------------
支持蘋果深度報道,深入社區,踢爆權貴,即Like蘋果專題及調查組FB專頁