魚樂無窮｜炒股都要識執生（唐牛）
蘋果日報 2020/09/28 19:56
滙控（005）上星期在傳出遭中國納入《不可靠實體清單規定》後，兩日累跌逾7%，今日則在平保（2318）增持兼成為第一大股東下，急彈超過9%，齋睇股價大上大落，唔講以為係細價股興風作浪。分析指平保掃貨，意味《不可靠實體清單規定》消息可能係流料，帶動股價造好。不過反彈歸反彈，集團繼續冇息派、業績差、零憧憬，實在不宜沾手，有蟹貨就要把握逃生機會。
在不同直播平台都講過，現階段持貨水平偏低，一來看不清後市，二來大部份資金調配去新股大抽獎。後者目標非常清晰，搵熱門IPO做孖展，務求贏得幾多得幾多；看不清後市嘛，主要因為美國總統大選漸近，一單半單消息足以令金融市場反轉再反轉，資金早已用腳投票，大市亦因而由以往的向上趨勢，轉為橫行甚至偏軟格局。
十一長假期關係，北水將於今日起暫停，至10月8日（下周五）才復常。劇本，北水熱炒股期間會失去承托力，變相造就低吸良機。哪些是熱門股？不外乎海吉亞醫療（6078）、九毛九（9922）、農夫山泉（9633）等，當然，時間上或會有早有遲，最終會否大團圓結果亦是未知數，故參與其中，最緊要識執生。
唐牛
-----------------------------
【全球樓行】 Dream House零距離
屬於香港人的移民攻略
-----------------------------
上車必讀天書 「九成按」入市懶人包
點擊即睇《按揭必讀手冊》電子書
----------------------------
支持蘋果深度報道，深入社區，踢爆權貴，即Like蘋果專題及調查組FB專頁！