【不平則鳴】接近年尾、農曆新年，是食肆的旺季。有讀者提早五個月向酒家訂妥三圍酒席，怎料「埋門一腳」因酒家接了33圍婚宴，硬把訂好的三圍酒席調到另一酒家；另有新人辦婚宴，加錢讓賓客任飲果汁，又自備10多支名酒，但事後發覺冇人替賓客「添飲」，換來一肚氣！

個案一：投訴消委會才退定金

讀者梁小姐早於7月向「煌城宴會廳」VIP房預訂了12月三圍酒席與家人飯敍，每圍約5,000元。「嗰陣我畀咗2,000蚊定金，諗住早啲訂枱及早安排，唔使擔心到時冇位」。到10月梁小姐奇怪怎未收到酒家再確認的電話，故主動致電酒家查詢，「個經理話酒樓接咗另一個客生意，結婚擺酒開33圍。結果踢開我哋呢啲生客」！
經理拒絕退回2,000元定金，力勸梁轉到樓下另一「唐人佳海鮮火鍋酒家」享用酒席，「但另一間酒家環境、質素都冇咁好，服務唔可以相比」。記者曾到該酒家查詢酒席資料，職員稱兩間酒家辦酒席均可安排。酒家拒絕回應本報。現時經消委會調解，酒家已退回梁小姐2,000元定金。

個案二：加錢任飲竟無人供應

李小姐於11月5日在一間高級酒家舉辦婚宴，筵開33席。訂酒席時，已訂明每席酒水提供菓汁先生任飲，每席加收100元，合共3,300元，李小姐覺合理亦已付此費用。「都係想家人朋友開心，畀多少少錢都冇計」。
惟婚宴過後，多位賓客向李小姐反映酒水供應不足，添飲果汁及紅酒服務欠佳。此外，李小姐婚宴當晚自備了11支白蘭地，但她發覺婚宴後餘數不足，不翼而飛。
該酒家回覆本報查詢稱，當晚肯定有提供足夠酒水，包括額外加錢的菓汁先生添飲，沒有職員取去其餘未開封白蘭地，如李小姐覺事態嚴重，應報警處理。檔案編號：1102002、1112019

雜項收費訂枱前要釐清

消費者委員會不評論個別個案，建議訂婚宴酒席時要清楚訂明所付定金數目、付款方法以及取消酒席的處理程序、是否可退還款項等，並應訂明雜項收費，例如茶、芥、啤酒、麻雀耍樂，自攜酒水是否收開瓶費，汽水啤酒、開席前客人吃的粉麪收費如何核實等。此外，還有慎記將一切與酒席負責人商議好的項目、收費列入單據合約內，以免日後爭拗。該會在10年及11年分別收到30宗及21宗有關婚宴酒席投訴。

社會服務
◆報料熱線：29290000
◆社會服務熱線：29908288
◆蘋果日報慈善基金：29908688
◆電郵：mailto:[email protected]
◆傳真：37112468
◆網上捐款： http://charity.appledaily.com.hk/donate
◆各類表格： http://charity.appledaily.com.hk/forms

匿名投訴恕不處理。一經投訴，本報保留刊登權利。