蔡一智早前為《35年時日如飛林敏驄腦交戰作品展演唱會》進行綵排，其間因為場內一個油壓台突然倒塌，最少有10多人受傷，當中包括蔡一智，送院檢查後證實尾龍骨（尾椎）裂咗少少、肋骨有啲移位，幸好情況未有大礙。(新聞連結： http://bit.ly/2sAIism )

經過連日嚟嘅治療，阿智康復進理想，可以如期出席聽晚喺台灣舉行嘅金曲獎，爭逐「最佳演唱組合」。今日阿智現身機場準備出發往台灣，佢喺上機話：「醫生話我進步得好好，我已經好番好多，今次因為機程唔好耐，所以可以俾我上機。」

講到今次準備咗啲乜嘢去台灣，阿智話：「我知道大會邀請咗好多出色嘅音樂人去表演，所以我準備咗睇嘢嘅心態過去。」阿智仲話跟住會繼續為演唱會做籌備，但係冇咁會開始排練。