英國萬人迷碧咸（DavidBeckham）為助太太Victoria發展時裝事業，照顧四個仔女嘅負責就落喺佢身上，近排多數都係見到佢湊住Brooklyn、Romeo、Cruz同哈七（HarperSeven）四個仔女。

不時穿梭英國同洛杉磯嘅碧咸，噚日佢哋一家就再由洛杉磯坐私人飛機出發，要照顧四個仔女，真係小啲精力都唔得，碧咸就爭取時間喺飛機上小睡片刻，連Victoria都戥佢辛苦，仲上載咗碧咸張瞓覺相放上Instagram，見到相入面碧咸腳邊仲有個公仔，好明顯佢係啱啱湊完寶貝女哈七。