同人講醫管局聯網服務總監張偉麟未必個個識，一講係《仁心仁術》（ER）呢套劇嘅繙譯顧問，就人人都「叮」一聲。
出身急症科專科嘅張醫生，出咗名斯文小生一名，佢噚晚上商台嘅節目，講開自己有份參與嘅無綫土炮劇集《妙手仁心》，當年醫管局借出咗日間服務嘅大埔那打素醫院急症室做實景場地，仲搵咗一隊真正嘅醫務人員每晚督師，好似用電擊刺激病人心跳時要講「clear」咁，全部都係醫護教路。
不過，佢話最令佢失望嘅係套劇加入咗同性戀成份，又講到啲醫生放工後成日去飲酒歎世界。八方明白張偉麟𠵱家俾啲醫生工時問題搞到頭爆，套劇講到醫生大把時間咁款梗係唔掂，但係唔通醫學界真係冇同性戀？佢咁講，怕唔怕政治不正確呢？