胡家惠去年9月和拍檔在中環開了美容院，原定上月舉行開幕禮，但因武漢肺炎疫情取消，她直言：「生意跌咗超過一半，因為啲人都唔肯出街，何況去美容院做facial？」生意難做，她指美容院附近的蘭桂坊，已經有七間餐廳倒閉，她做足防疫兼積極變陣，客人入門要量體溫、換鞋，每間房用完即消毒殺菌，又推出針對喉嚨痛做的精油treatment，胡家惠說：「疫情之下，係咪應該要多元化呢？佢哋唔能夠嚟，我哋就賣產品，拍片放上網教佢哋用啲手法，喺屋企都做到，總之諗啲嘢變通啦。」有危有機，胡家惠另一門湯包生意，反而因人人不出戶而生意大升。

不過，最令胡家惠頭痛的，是花盡腦汁為留家的女兒搵節目：「真係好頭痛，因為佢哋極之好動，唔使返學，又冇得落街。我喺屋企真係entertain佢哋得好緊要，又要同佢哋畫花面貓，喺個廳度野餐啦，又要同佢哋焗吓多士，買玩具畀佢哋，等佢哋唔使長期望住電視，好彩老師都有online功課，不過呢段時間多啲同小朋友一齊都係有得着的。」為慳口罩，她改為代工人姐姐出街買餸，街市、超市變成她的新蒲點：「我都好鍾意shopping買嘢，咁冇得買，就算買咗都冇機會着，行吓超市都好，哈哈！」