武漢肺炎肆虐， 香港 的確診個案持續增加，不過政府堅拒封關阻截源頭，結果令前線醫護首當其衝，要賭上性命抗疫，早前有消息指有公立醫院已抽出「生死籤」，決定醫護人員進入「Dirty team（抗疫隊伍）」照顧確診病人的先後次序，雖然事後有多間公院的醫護人員均向《蘋果》表示，抽「生死籤」的過程既不公開亦不透明，直斥院方「黑箱作業」，不過亦有醫護人員自願加入隊。

今日有傳媒報道，江華和麥潔文的兒子陳耀淙（Bryan），目前是內科（胸肺科/呼吸科）護士，原來他自願去隔離病房，他接受傳媒訪問時表示：「我入隔離病房係希望可以喺醫院戰鬥之餘，同時保護番佢哋。」而Bryan為免傳染給家人，他表示已經有一段時間沒有與爸媽媽正面接觸，回家第一時間去沖涼，之後在自己的房間自我隔離，同時亦不允許他們入自己的房，爸爸媽媽亦相當配合，不希望有事。

江華今日回覆《蘋果》，對於兒子這決定，他說：「佢有同我講過想入隔離病房一事，我會以佢為榮！我哋確實係同佢少咗接觸，不過冇任何影響，因為我哋都明白呢個係必須要面對嘅事，因為佢嘅工作，就係要去幫人、救人！如果佢呢個時候只係呆坐喺屋企，對我嚟講，先係最大嘅的痛心。」媽咪Kitman亦表示不擔心兒子目前的工作心情，其後亦在網上留言說：「Bryan加油！一切小心！」

事實上Bryan一直認為人無黃藍之分，只分有沒有良知，8.31當日他在太子站附近，救人也救警，甚至在不少遊行集會上，他見到有人遇襲受傷，盡其醫護之責救急扶危。鑑於武漢肺炎 疫情 持續在港蔓延，日前有醫護人員展開罷工行動，促請港府回應封關訴求，從源頭堵截，Bryan曾經在IG Story表示接到醫管局多個聯網向員工發信，表明不贊成及不同意在辦公時間內進行的罷工行動，又指員工必須按照香港法律行事，不過其後他再出post：「早幾日喺病房，電話報完病情，有幾個家屬到我臨收線嘅時候，都話支持我哋罷工，其實好心酸好想喊，因咩事香港要搞到咁？自己屋企人喺醫院就死，都仲要支持醫護罷工？ 香港人 到底做錯咗乜嘢，要承受呢啲痛苦#一於罷佢老母」

-----------------------------

《果GYM》隨身播 　健身壹App過！