古巨基聽日就會推出親自總監，籌備2年嘅全新國語專輯《我們》，舊年古巨基就榮升人夫，由一個人，變成一對喇，新輯名叫《我們》，透露出甜蜜氣氛。

而喺主打歌《找到你是我最偉大的成功》MV入面，有一段係求婚嘅情節，古巨基睇咗就好「汗顏」，因為舊年古巨基帶住太太Lorraine飛去美國結婚，就冇浪漫嘅求婚儀式，不過古巨基冇求婚，老婆Lorraine就唔遺憾，基仔直接將《找到你是我最偉大的成功》呢首歌送畀佢，更顯珍貴啦！