有讀者最近購買一部NOKIA7610手機，但屏幕上常無故彈出「飛線」圖案，使她無法得悉自己有否「飛線」，換了另一部同型號手機，仍有相同問題。諾基亞手機客戶服務部回覆讀者及本報記者查詢時稱，是手機軟件及作業系統問題，需要更新軟件。諾基亞公關部則稱，有關問題可由維修部處理。

張小姐投訴稱，上月中她購買一部價值三千多元的NOKIA7610型號手機，使用一星期已發現屏幕顯示有否飛線圖案出現混淆。
「個飛線箭嘴成日都彈出嚟，我有冇飛線，佢都係咁顯示，我完全唔知自己究竟有冇飛線，好混亂！」若要查看自己有否真正飛線，就要按數個鍵掣進入查閱來電接駁狀態的功能，才能一清二楚。

「完全唔知有冇飛線」
由於飛線功能可替她把來電轉駁至家中或公司的電話，省回不少手機通話分鐘及費用，但現時她根本無法知悉自己有否飛線。
「一開機，箭嘴圖案就會彈出嚟，惟有每次自己刪除，如果唔係就重麻煩。」她說，曾致電NOKIA客戶服務部查詢，接電話職員稱，是手機軟件有問題，只有等新軟件推出，才可更換，但沒有確實日期。

換新手機仍無改善
張小姐稱，她惟有向購買該手機的專門店更換同一型號手機，但仍有同類問題，「換咗呢部新嘅，飛線箭嘴都係無端端出現，有時甚至相反，我飛咗線，佢連飛線圖案都冇顯示，搞到我唔知自己有冇飛到線。」她不滿兩部手機也有同樣問題。
記者致電諾基亞客戶服務熱線查詢，NOKIA7610手機屏幕上無故彈出飛線箭嘴原因，接電話女職員稱，「行呢個作業系統就係咁，只要個台（電訊公司）有提供飛線功能，一開機就自動彈出嚟（飛線箭嘴），如果唔想每一次開機都要做一次動作取消飛線，咁就要唔熄機，即係長開。」
但諾基亞公關部回覆本報查詢稱，這型號手機屏幕上的飛線箭嘴無故彈出問題，屬個別事件。
這款7610型號手機的軟件或作業系統並無問題，只要張小姐帶手機到維修部，維修人員定能替她修妥。