聽日係中秋佳節，唔少人都會買番個燈籠應節，不過黃秋生噚晚就同曾經傳過緋聞嘅女助手玩「混吉」，佢哋兩個噚晚8點現身大坑浣紗街，兩個人見到排檔賣嘅燈籠，就好有興緻咁停低慢慢揀，似乎係女助手想買，秋生於是比意見。

見女助手都係揀一啲好似兔仔同楊桃嘅傳統款式，對嗰啲膠燈籠完全冇興趣，兩個人邊揀邊研究，女助手最後揀咗個楊桃燈籠。

點知正當秋生準備比錢嗰陣，女助手又突然放低個燈籠唔要，唔知究竟佢嫌貴，定係唔想秋生破費比錢，兩個人前前後後擾攘咗10分鐘，到頭來都係「混吉」！

之後秋生同女助手行番上大坑道自己屋企樓下，秋生陪女助手等埋的士離開之後，先至上番自己屋企休息！