農曆新年最重要係咩？梗係派利是同逗利是啦！唔好睇小呢件事，派嘅要揀利是封、換直鈔，要求高嘅仲要揀埋靚number，逗利是嘅就要諗定講咩恭賀說話……如果要同郭富城拜年，又可以講啲咩呢？

話晒今年都係城城第一年以老公、爸爸嘅身份派利是，梗係要祝佢早生貴子、囡囡快高長大啦，今日有facebook page就拎番一段廿幾年前城城嘅訪問片出嚟，當年佢仲喺訪問到話：「個個都有份！我講過嘅，全港嘅市民，都會收到我嘅利是，不過可能係好多年之後…」係呀，過咗好多年喇，城城可以兌現承諾喇！

至於當年訪問佢嘅節目主持祝文君，就透過短訊回覆傳媒：「也有朋友傳給我看過，否則我也不會想起呢？戊戌狗年，新年伊始，城城婚後第一個新春佳節，我應是很有條件向他討利是的其中一位，因有片為證，阿王（城城）品質信譽超著、說得出必定會做得到吧。咁就冇得走雞啦，所以麻煩各位如知城城新春期間會在何處出現，請通知我，我會盡量飛到現場討他大利是，多謝各位。」

【幾時找數？】郭富城94年承諾婚後派利是：全港市民都會收到！
http://bit.ly/2o3nQxx

最港電影大獎投票網址
http://bit.ly/thekongestfilmawards

精選娛聞，喺晒《娛果》
http://fb.com/appledailyent