當年今日

人氣流行線:
法國直擊楊千嬅掃貨之旅

蘋果日報 2002/07/27 00:00


人紅自然靚,除了髮型化妝有人包,衣衫形象亦有專人指導執到正外。楊千嬅貴為當今票房靈藥,兼且唱片賣得,有觀眾緣,每次出鏡當然要型要靚。但千嬅的一身潮流打扮,原來除了演唱會及盛大場合外,其餘都是由頭到腳全部自己搞掂。名牌雜牌Mix&Match,千嬅着衫潮流之餘亦總有自己的風格,今次去到時裝之都法國巴黎,記者同遊直擊其Shopping地點,更將千嬅的收穫與至愛大公開!

記者、部份攝影:梁珮瑜
名店街入貨
千嬅今次到法國工作,亦需到毗鄰的富貴小國Monaco(摩納哥)一遊,當然順道必逛名店街。街道avenuedeBeauxArts及其一帶,可說是這裏的名店街,LouisVuitton、Gucci、Celine、Dior等超級名牌都可以搵得到。因工作關係,可以掃貨購物的時間絕不多,千嬅不到兩句鐘就掃了LV袋一大個,以及心愛的CHAUMET手表。
抵價買到CHAUMET
「我恨買呢隻CHAUMET好耐,但香港實在太貴唔抵,上次去意大利又搵唔到,今次終於買到(售價一萬以下,香港定價$11,400),好開心。」大家都知千嬅愛儲表,佢更自認係「表精」,Zucca、IWC、FranckMuller等,有平有貴一樣鍾愛。「其實我鍾意個款多過牌子,亦唔會追新款。比較喜愛Boysize、三針款及深色皮帶的表,或者得意如Zucca的款式都得!」究竟儲埋幾多隻?「約三、四十隻,我少戴首飾,就當手表係首飾戴㗎喇!」
巴黎必到明星舖Colette
位於巴黎名店區的Colette,絕對是名牌與潮流的集中地,有如意大利的10CorsoComo或香港的Joyce、I.T。Balenciaga、MarcJacobs、Prada與miumiu、Gucci、Dior、Garcons及ABathingApe等,至新至紅最潮流,中外明星及各地型人必到此一遊,隨時在你身邊揀衫的,會是Nigo或張曼玉,而記者就有朋友有此經驗。
直擊戰利品
趁部分戰利品未入箱,記者直擊千嬅的酒店房間,再睇睇其他收穫。她自言並無特別鍾愛牌子,同時記者亦發現佢去到邊、買到邊,無論agnesb.、Balenciaga、MarcJacobs抑或百貨公司,多數有收穫。

秋冬推介D&G
剛買即着的Balenciaga紅色背心,半價只需80歐元(退稅後約五百多元),絕對抵買。「見靚就買,牌子無所謂。我係『淨色人』,淨色唔花同Casual就最好,好似MarcJacobs有些款,易襯又多種場合都着得,點都要買幾套傍身。」睇過數個品牌來季的時裝相,她認為秋冬暫時可推介的,最好是D&G、隨後有Chloe及好貴的StellaMcCartney。
尋覓小王子
「入行第二年朋友介紹我睇《小王子》,自此愛上了。細路與大人之間有不同的觀點,故事諷刺,對人性陰暗面提出控訴,最後話你知人愈簡單愈好,諗咁多好易癲。簡單可以令『核突』的東西變靚。我亦學習緊這種做人方式。同埋小王子都好浪漫!」