竊聽手機並非新猷，不過暫時只有智能手機能做到。城大電子工程系副教授鄭利明表示，只要用目標人物的手機下載Flexispy軟件，便能全天候監聽他。
「呢個手機一定係智能手機，好似iPhone、Android（Samsung、SonyEricsson、HTC、Motorola、LG）、Symbian（Nokia）、BlackBerry同WindowMobile（Acer）等。其實呢個軟件喺幾年前已經好流行，主要用嚟捉姦。」他舉例，假如老婆想監聽老公，只要登上www.flexispy.com，再偷偷拿老公的電話下載Flexispy軟件，代價是349美元（約2,800港元）年費。不過，手機必先「越獄」（Jailbreak）破壞原有保安系統。
鄭利明說：「老公打出打入，手機就會自動發短訊畀老婆，列出通話者嘅手機號碼。如果老婆想聽吓佢哋講乜，即刻打畀老公就可以聽到通話內容。」

港有30多宗個案

電郵和SMS也可一併被偷看。老公發送或接收短訊和電郵，資料會即時上載到網站，老婆以密碼登入便一覽無遺。更甚者，老婆可追蹤老公手機位置，知他身處何方。根據網絡保安服務供應商F-Secure數據，今年頭七個月本港有30多宗手機植入Flexispy軟件個案。羅沛隆律師說，暫時未有法例監管竊聽電話：「好難話犯法，聽又唔係發佈，最多係滋擾。」
《蘋果》記者