今日有市民喺獅子山頭掛上「我要真普選」banner，本報派出動記者宋文上山直擊，由3點半開始上山，路程大約近2小時，上到山頂為數十幾個市民，當中包括一些外籍人士。

在場有四名市民接受訪問，有兩位市民表示因為睇咗facebook，放咗工就上山睇睇，市民Macro表示:「FACEBOOK今朝見到，就行上去支持，而家喺呢度整個banner真係體現到獅子山精神，佢要拆就總有方法拆，不過拆完我哋再嚟過咁解，希望政府用返政治方法去解決，唔好再對有訴求嘅市民訴諸暴力。」

市民Hanson表示:「放工做完嘢走上嚟，FACEBOOK睇到，行左個半鐘。」問佢會否覺得手法激進?佢話:「點都唔夠佔街激進o掛，度度(示威區)都去過望過，唯一唔和平嘅時候咪藍絲帶嚟嘅時候。」

另有一身爬山裝備的市民Fred表示唔係佢整banner，但見到條banner好振奮，佢話:「放係獅子山令全世界人睇係好嘅嘢，話到比政府聽，有訴求嘅時候唔一定要所謂嘅暴力，可以好和平。」

而讀中四嘅嚴同學，行山行到眼鏡都沾滿雨粉，佢話:「過咗聽日可能會拆咗，o依家上黎比較好，四個示威區都去過，本身睇到係覺得震驚，睇咗相見到banner好似幾大下，好自豪，香港人可以為咗自己想爭取嘅嘢肯搏。」