富士電視台揼本開拍嘅「月9」檔新劇《貴族偵探》成績強差人意，起用嵐成員相葉雅紀扮貴族，仲一次過搵嚟中山美穗、武井咲、井川遙、松重豐、生瀬勝久、瀧藤賢一、仲間由紀惠等群星拱照，可惜呢套每集製作費高達710萬港元嘅新劇，平均收視都只係得單位數，難怪被指係燒銀紙之作。

《貴族偵探》首集收視錄得11.8%，上星期狂瀉只收8.3%，而今集就請來被封為「千年一遇美少女」嘅橋本環奈演出，安排佢同中山美穗、武井咲同場演對手戲，以三個唔同年代美人陣營望刺激收視，而橋本環奈更於鏡頭前擺出萌爆表情，而今集的確比上集微升0.8%，取得9.1%收視。《貴族偵探》下集就會有釋由美子產後復工客串演旅館阿姐。