龔慈恩(龔仔)係80年代無綫花旦之一,而佢老公林煒,就係台灣90年代花系列劇集嘅萬人迷小生,呢段異地戀,喺1991年拍台灣同內地合作嘅金庸武俠劇《雪山飛狐》開始,8年後,佢哋喺加拿大結婚,育有一女一子。
林煒日前接受台灣《蘋果》專訪,詳談佢嘅18年婚姻,林煒用「睿智」形容老婆「龔慈恩」,佢話:「由交往至結婚,很多時間都會分隔兩地,他留在台灣拍戲,而龔仔就在香港,但龔仔很懂得製造驚喜,她會突如其來飛台灣找我。」咁林煒有冇試過被撞破好事?林煒話:「我蠻喜歡待在家裏,拍完戲不管怎樣,回到家才會鬆口氣。那時她經常這樣,我不會生氣啊,很開心啊她來看我。」