數數手指…諗吓自己幾耐冇睇《警訊》，o依家睇《警訊》，你又可以睇到幾多分鐘，會唔會係考耐力呢！？杜汶澤今午4點幾左右，喺facebook轉貼咗條《警訊》片，留言：「真心好好笑！一定要睇晒！結局笑爆嘴！」(相關連結： http://bit.ly/2qns5nO )，反問「收貨嗰個係儍定根本冇睇」，就連鄭中基都忍唔住用私人facebook留言：「我都想睇晒，但佢哋根本唔X係地球人，睇唔落去。」(新聞連結： http://bit.ly/2qjreX3 )

咁《警訊》女主角Toby回應《蘋果》就話：「我都有睇佢(杜汶澤)轉載呀!咁樣拍啲故事觀眾才會入腦，提醒佢哋唔好犯法，唔搞下笑邊有人睇呢，多謝佢轉載。」而警訊節目監製程倩芸透過港台公關部回應：「每個節目唔同嘅觀眾睇，都有唔同嘅感受，多謝佢嘅關注！」

而喺片中飾演佢嘅對象嘅Kelvin就回覆《蘋果》話：「好多謝佢(杜汶澤)嘅轉載同意見，我會努力做好啲，我都好鍾意杜汶澤，希望將來有機會跟佢學下野啦！」