負責保安工作的保安員，竟成入屋爆竊案的疑犯，街坊工友服務處屬下的管業及保安從業員工會幹事麥德正形容今次事件是「好極端嘅個案」，是個別保安員個人操守出現問題，但業主亦可多做提防「家賊」的措施：「多留意保安員為人誠唔誠實、平時手腳亁唔亁淨，如果有唔妥就依法辦事。不過要分清楚，懶惰、有財政問題，或者嗜賭都唔代表佢會偷嘢！」

職工盟香港物業管理及保安職工總會幹事李凱則指，外判保安公司僱員由於人工及待遇較差，服務質素或受影響：「佢哋人工唔高，又唔知會唔會喺同一座大廈做好耐，有啲人真係會抱有搵快錢嘅心態。但如果由業主立案法團自己請，業主會Check得緊啲，而且唔會成日轉，就算保安員想偷嘢，都唔會喺自己搵食嘅地盤做。」