最近美國加州出現酷熱警告，南加州地區更發生洛杉磯史上最大火災！火災燒毀超過6000畝林地、30戶住家，並緊急疏散附近嘅600戶居民，由於火災範圍太大，更波及一眾荷李活明星屋企，當中就包括《銀河守護隊》（Guardians of the Galaxy）男星「勇度」Michael Rooker。

日前Michael於facebook貼出自己屋企後面大火嘅相，寫道：「呢個就係我屋企後邊，多謝洛杉磯消防署落力滅火嘅兄弟。」但一日之後就見到佢屋企被火包圍，佢仲要立即疏散！「我可能講得太早……係呀，呢個係我屋企，我希望最後火災可以搶救成功。」好彩最後屋企同家人都冇事。