【巴塞隆拿獨家專訪】《銀翼殺手2049》安娜知道自己有份演開心到喊唔停
夏里遜福賴恩高斯寧Harrison FordRyan Gosling獨家專訪列尼史葛Ridley ScottBlade Runner 2049銀翼殺手2049安娜迪艾瑪絲Ana de Armas
即將於10月5號上映嘅《銀翼殺手2049》(Blade Runner 2049)係大導演列尼史葛(Ridley Scott)嘅科幻神作《2020》(Blade Runner) 續集。事隔35年,神作終於再現,唔單止搵嚟首集原班人馬列尼史葛及夏里遜福(Harrison Ford)延續經典,更加入男神賴恩高斯寧(Ryan Gosling)、謝拉力圖(Jared Leto),及性感女星安娜迪艾瑪絲(Ana de Armas)同施維亞荷克絲(Sylvia Hoeks)等擔正,無論卡士定故事都令影迷非常期待。早前《蘋果》就專程飛到巴塞隆拿,獨家專訪兩位性感女神安娜同施維亞,安娜就自爆知道自己有份演之後喊唔停,非常誇張!
電影以人類決戰複製人作主題,今集就將繼續未來反烏托邦嘅幻想世界延伸,來自古巴嘅性感女星安娜迪艾瑪絲就於當中飾演賴恩嘅女朋友。如果大家有印象,佢最為人熟悉嘅作品就係同奇洛李維斯(Keanu Reeves)合作嘅《夜半女敲門》,當中嘅裸露大膽演出令人印象難忘,連佢自己都話套戲夠晒癡線。
至於呢一套入面,佢就自爆得到呢個角色都絕對唔易:「我試咗3次鏡,我係好驚架老實講,但又感覺好良好。最後一次與賴恩試鏡,我哋有好好嘅化學作用,我哋會笑,又好享受成個過程。之後4、5日我收到電話,感覺就好似隔咗4、5年,收到電話之後我不停咁喊,我唔敢相信,又開心到升天咁,就好似發夢一樣。」另外佢仲話自己係夏里遜福粉絲,可以喺片場見到佢開心到爆。「佢是一個好好嘅人,感覺好超現實,當你做呢場戲,做完之後望一望旁邊,就見到夏里遜福!佢本人就係嗰個時期嘅『銀翼殺手』,佢將自己嘅元素帶入電影,所以感覺好好。」
佢仲話自己係夏里遜福粉絲,可以喺片場見到佢開心到爆!
之前同奇洛李維斯合作嘅《夜半女敲門》有裸露嘅大膽演出,仲有殺人場面!