【本報訊】政府強行徵用火炭駿洋邨作檢疫中心，連累數以千計的準住戶入伙無期。房署昨日發信予駿洋邨準住戶，指該邨暫用作檢疫中心，未能確定入伙日期，準租戶有兩個選擇，包括保留該邨單位，其間申請入住屯門寶田中轉屋，但須視乎情況，房署不保證有足夠中轉屋供應。準租戶亦可選擇放棄駿洋邨預配單位，房署會另行編配其他擴展市區公屋，但住戶不可要求指定屋邨及樓層等。準租戶需於下月5日或之前回覆。

「我𠵱家點會相信政府？」

駿洋邨的準租戶李女士收到房署的信件後，大感不滿，批評房署的選擇完全無得揀。「起碼要話畀我哋知如果等駿洋邨，大約要等幾耐，若選擇放棄，房署幾時畀到另一個單位我哋，等我哋有個預算，𠵱家咁樣，叫我哋點揀？」

李女士指，除駿洋邨準住戶收到信件外，另一原擬作檢疫中心的粉嶺暉明邨準租戶亦同樣收到信件，她質疑房署有否足夠的中轉屋或擴展市區單位供準住戶入住，擔心到頭來還是一場空，得個「等」字。「兩邊加埋4,000幾戶受影響，房署突然之間邊度有咁多公屋單位？我𠵱家仲點會相信政府？林鄭政府經常出爾反爾！」

沙田區議員麥梓健指大部份駿洋邨準租戶均希望入住該邨，「好多小朋友轉咗學校，住戶都安排好晒啲嘢」，要求房署交代駿洋邨公屋入伙的時間表，讓準住戶考慮，否則不排除集體罷交回覆通知書。